আপোনাৰ নামত কিমানটা ছিম কাৰ্ড বা ম’বাইল নম্বৰ চলি আছে, সেয়া জানিবলৈ কেনে প্ৰয়োজনীয়?
Advertising
বৰ্তমান সময়ত এই বিষয়টো জানিবলৈ অতি প্ৰয়োজনীয়। ইয়াৰ লগত সংযুক্ত হৈছে আপোনাৰ ব্যক্তিগত আৰু আৰ্থিক সুৰক্ষা। যদি আপোনাৰ নামত কোনো অজনা ছিম কাৰ্ড ব্যৱহাৰ কৰা হয়, তেন্তে সেয়া আপোনাৰ গোপনীয়তা আৰু সুৰক্ষাৰ ক্ষেত্ৰত এক ডাঙৰ ভাবুকি সৃষ্টি কৰিব পাৰে। তদুপৰি, ভুৱা ছিম কাৰ্ড ব্যৱহাৰ কৰি ঠগবাজি বা অপৰাধমূলক কাম কৰা সম্ভাৱনা থাকে।
তথ্য-সংক্ৰান্ত সুৰক্ষাৰ প্ৰয়োজনীয়তা ইয়াৰ মূল উদ্দেশ্য হৈছে আপোনাৰ নামত চলি থকা অজানা ছিম নম্বৰসমূহৰ ওপৰত নিয়ন্ত্ৰণ আনি তথ্য অপব্যৱহাৰ ৰোধ কৰা। ভুৱা ছিম ব্যৱহাৰ কৰি অপৰাধমূলক কাম-কাজ চলিব পৰা সম্ভাৱনা কমাবলৈ ভাৰত চৰকাৰে বিশেষ ব্যৱস্থা গ্ৰহণ কৰিছে। এই প্ৰবন্ধত আমি বুজাব যে কেনেকৈ আপুনি আপোনাৰ নামত ৰেজিষ্টাৰ হোৱা ছিম কাৰ্ডসমূহৰ বিষয়ে তথ্য লাভ কৰিব।
ম’বাইল নম্বৰৰ নিয়মাৱলী
ভাৰতত টেলিকমিউনিকেশ্যন বিভাগে নিৰ্ধাৰণ কৰা নিয়ম অনুসৰি, এজন ব্যক্তিৰ নামত অতিৰিক্ত ছিম কাৰ্ড নিবন্ধন কৰিব নোৱাৰি। টেলিকম ৰেগুলেটৰী অথৰিটি অফ ইণ্ডিয়া (TRAI) আৰু ডিপাৰ্টমেণ্ট অফ টেলিকমিউনিকেশ্যনস (DoT)-এ এই নিয়ম প্ৰয়োগ কৰিছে। এজন ব্যক্তিয়ে সৰ্বাধিক ৯ টাকৈ ছিম কাৰ্ড ৰাখিব পাৰে।
ডিপাৰ্টমেন্ট অফ টেলিকমিউনিকেশ্যনে ভাৰতে TAFCOP প’ৰ্টেল (Telecom Analytics for Fraud Management and Consumer Protection) নামেৰে এটা বিশেষ ছার্ভিচ আৰম্ভ কৰিছে। এই প’ৰ্টেলৰ জৰিয়তে আপুনি আপোনাৰ নামত ৰেজিষ্টাৰ হোৱা ছিম কাৰ্ডসমূহৰ তথ্য জানিবলৈ সক্ষম হ’ব।
TAFCOP প’ৰ্টেলৰ বৈশিষ্ট্যসমূহ –
সহজত লৈ চাব পৰা ব্যৱস্থা: ই এক ডাঙৰ পদক্ষেপ যিয়ে সঠিক তথ্যৰ যোগান ধৰিছে।
অপব্যৱহাৰ বন্ধ কৰিবলৈ সহায়: অপৰাধমূলক কাৰ্যকলাপৰ বিৰুদ্ধে এই প’ৰ্টেল খুবেই সহায়ক।
নাগৰিকৰ সুৰক্ষা বৃদ্ধি: আপুনি এই প’ৰ্টেলৰ সহায়ত আপোনাৰ আধাৰ বা আন তথ্যৰ ওপৰত চলি থকা ছিমৰ বিষয়ে সদায় আপডেট পাব।
ভেৰিফাই কৰক: আপোনাৰ নামত নতুন ছিম হ’লে তাৰ বিষয়ে পূৰ্ণ ভেৰিফিকেশ্যন কৰক।
TAFCOPত নিয়মিত চেক কৰক: নিদিষ্ট সময়ত সময়ত প’ৰ্টেলত চেক কৰি আপোনাৰ নামত চলি থকা ছিমসমূহৰ বিষয়ে জানি থাকক।
অপরিচিত নম্বৰ সন্দেহ কৰক: যদি কোনো অজনা নম্বৰৰ লগত সম্পৰ্ক থাকে, তেন্তে তৎক্ষণাৎ অভিযোগ দাখিল কৰক।
TAFCOPৰ পৰিকল্পনা আৰু ভৱিষ্যৎ লক্ষ্য
ডিপাৰ্টমেন্ট অফ টেলিকমিউনিকেশ্যনৰ এই ব্যৱস্থা এজন নাগৰিকৰ তথ্যৰ সুৰক্ষাৰ ক্ষেত্ৰত এক ডাঙৰ পদক্ষেপ। এই প’ৰ্টেলৰ ব্যৱহাৰৰ মাধ্যমত বহু অপৰাধমূলক কাৰ্যকলাপ ৰোধ কৰা সম্ভৱ হৈছে। তাৰোপৰি, বহু লোকক ছিমৰ অপব্যৱহাৰৰ পৰা সুৰক্ষিত কৰাৰ বাবে এই প’ৰ্টেল এক গুৰুত্বপূৰ্ণ ভূমিকা পালন কৰিছে।
আপোনাৰ নামে কিমানটা ছিম কাৰ্ড চলি আছে সেইটো কেনেকৈ চাব?
আপোনাৰ নামে সক্ৰিয় ছিম কাৰ্ডবোৰৰ তথ্য চাবলৈ TAFCOP প’ৰ্টেল ব্যৱহাৰ কৰাটো অতি সহজ। এই প’ৰ্টেলৰ জৰিয়তে আপোনাৰ মোবাইল নম্বৰৰ প্ৰৱন্ধন সঠিক নেকি আৰু অননুমোদিত ছিম নম্বৰ আছে নে নাই, সেয়া চাব পাৰি। তলত এই প্ৰক্ৰিয়া ধাপেধাপে বিৱৰণ দিয়া হৈছে।
ধাপ ১: TAFCOP প’ৰ্টেলত প্ৰৱেশ কৰক
আপোনাৰ মোবাইল বা কম্পিউটাৰত Google Chrome বা আন কোনো ৱেব ব্ৰাউজাৰ খোলক। তাৰপিছত সার্চ বাৰত sancharsaathi.gov.in টাইপ কৰক। আপুনি ততালে এই ৱেবছাইটত প্ৰৱেশ কৰিব। সৰল উপায়ৰ বাবে আপুনি তলত দিয়া সংযোগত ক্লিক কৰি গৈও এই প’ৰ্টেলত প্ৰৱেশ কৰিব পাৰে।
প’ৰ্টেলৰ প্ৰধান পৃষ্ঠা খুলিলেই “Citizen Centric Services” নামেৰে এটা বিভাগ পাব। ইয়াত আপুনি Know your Mobile Connections নামৰ বিকল্পটো দেখিব। এই বিকল্পটোত ক্লিক কৰক।
ধাপ ৩: আপোনাৰ মোবাইল নম্বৰ দিয়ে
এতিয়া TAFCOP প’ৰ্টেলৰ মূখ্য পৃষ্ঠাটোত এটা বাকচ (Box) দেখা যাব। ইয়াত আপোনাৰ ১০ অংকীয় মোবাইল নম্বৰ টাইপ কৰক। তাৰপিছত দিয়া কেপচা পূৰণ কৰক আৰু Validate Captcha বোতামত ক্লিক কৰক।
